नेकपा एमालेको श्रद्देय अध्यक्ष क. केपी शर्मा ओलीसंग लोकतान्त्रिक आदिवासी जनजाति महासंघ, नेपालको दोश्रो राष्ट्रिय महाधिवेशनबाट निर्वाचित पदाधिकारीहरुले परिचयात्मक भेटघाट गरेकोछ । यही २०८० बैशाख ३१ गते महासंघका पदाधिकारीहरु अध्यक्ष कमरेडको निवास बालकोटमा पुगि उक्त भेटघाट आयोजना गरिएको हो । सो अवसरमा अध्यक्ष कमरेडले महासंघको पदाधिकारीहरुलाई बधाई ज्ञापन सहित कार्यकाल सफलताको शुभकामना ब्यक्त गर्नु भएको थियो ।

यसै क्रममा अध्यक्ष कमरेडले महासंघको पदाधिकारीलाई निम्न बुँदामा उल्लेखित बिशेष निर्देशन समेत दिनु भएकोछ ।

समाजलाई सुसंस्कृत समाज बनाउन, सामाजिक न्यायको आन्दोलनलाई उचाईमा पुराउन, सामाजिक भातृत्व सहितको राष्ट्रिय एकता बलियो बनाउन महासंघले सधै सकृय भुमिका निर्वाह गर्नु पर्दछ । आदिवासी जनजातिको पहिचान नेपालको राष्ट्रिय निधी हो । नेपालको बिबिधता राष्ट्रको निधि मौलिक भाषा, कला, सँस्कृति लोप हुदै जादा नेपाली राष्ट्रियता कमजोर हुँदै गएको छ । यस्तो अवस्थामा सम्बृद्द र सुसंस्कृत समाज निर्माणका लागि आदिवासी जनजातिका मौलिकता र राष्ट्रियतालाई बलियो बनाउन पर्दछ । चर्को र साम्प्रादायिक नाराले आदिवासी जनजातिको राष्ट्रियता सम्बृद्ध हुदैन । लोकतान्त्रिक महासंघले मातृभाषा संरक्षण, भेषभुषा तथा पोषाक र बाजागाजा संरक्षण अभियान चलाउनु पर्दछ ।  हाम्रो गाउँघरको रोधी सँस्कृतिक लोप हुनुका कारण माओवादीको सशस्त्र द्वन्द्व पनि हो । जनजाति महासंघले महिला दिदिबहिनीहरुलाई अघि बढाउनुस, पुरुषको तुलनामा दिदिबहिनीहरु इमान्दार, दृढ हुन्छन् ।  नैतिकवान र मर्यादित समाज, सामाजिक न्याय, राष्ट्रिय एकता, समृद्ध नेपालका लागि लोकतान्त्रिक आदिवासी जनजाति महासंघले आफ्नो अभियान निरन्तर चलाउनु पर्दछ भनि कमरेड अध्यक्षले पदाधिकारीहरुलाई निर्देशन दिनु भएको थियो ।